ಕೃಷ್ಣ ಜಯಂತಿ ಸನ್ಮಾನ ಕಾರ್ಯಕ್ರಮ - Krishna Jayanthi Sanmana

1 ಸೆಪ್ಟೆಂಬರ್, ಸಂಜೆ 5:30ಕ್ಕೆ ಶ್ರೀ ಕೃಷ್ಣ ಜಯಂತಿಯ ಸಂದರ್ಭದಲ್ಲಿ ಕಲಾಕ್ಷೇತ್ರದಲ್ಲಿ ಅಪ್ರತಿಮ ಸೇವೆ ಸಲ್ಲಿಸಿದ ನಾಲ್ಕು ಹಿರಿಯ ಕಲಾವಿದರನ್ನು ಸನ್ಮಾನಿಸಲಾಗುತ್ತದೆ.

• ಪ್ರಖ್ಯಾತ ಕರ್ನಾಟಕ ಶಾಸ್ತ್ರೀಯ ಸಂಗೀತ ಕಲಾವಿದರಾದ ವಿದುಷಿ ಡಾ ಸುಕನ್ಯಾ ಪ್ರಭಾಕರ್,
• ಪ್ರಖ್ಯಾತ ರಂಗಸಂಗೀತ ಕಲಾವಿದರಾದ ವಿದ್ವಾನ್ ಪರಮಶಿವನ್,
• ಹಿರಿಯ ಕಲಾವಿದರು ಹಾಗೂ ಗುರುಗಳೂ ಆದ ವಿದುಷಿ ಪುಷ್ಪಾ ಶ್ರೀನಿವಾಸನ್ ಹಾಗೂ
• ಪ್ರಸಾಧನ ಕಲಾವಿದರಾಗಿ ಮತ್ತು ಕಲಾಪೋಷಕರಾಗಿ ಸೇವೆ ಸಲ್ಲಿಸಿರುವ ಶ್ರೀ ಬಿ ಎಂ ರಾಮಚಂದ್ರ

ಅವರುಗಳನ್ನು ಈ ಸಂದರ್ಭದಲ್ಲಿ ಸನ್ಮಾನಿಸಲಾಗುತ್ತದೆ.

ಸನ್ಮಾನ ಕಾರ್ಯಕ್ರಮಕ್ಕೆ ಮುಖ್ಯ ಅತಿಥಿಗಳಾಗಿ ಹಿರಿಯ ವಯೋಲಿನ್‍ವಾದಕರಾದ ವಿದ್ವಾನ್ ಎಚ್ ಕೆ ನರಸಿಂಹಮೂರ್ತಿಯವರು ಭಾಗವಹಿಸಿ ಕಲಾವಿದರನ್ನು ಸನ್ಮಾನಿಸಲಿದ್ದಾರೆ. ಅದೇ ಸಂದರ್ಭದಲ್ಲಿ ಗಾನಭಾರತಿಯು ನಡೆಸಿದ ವಿವಿಧ ಸ್ಪರ್ಧೆಗಳ ವಿಜೇತರಿಗೆ ಬಹುಮಾನ ವಿತರಣೆ ಮಾಡಲಾಗುತ್ತದೆ.